چھوٹے بچے پھول کی مانند ہوتے ہیں‘ ناسمجھ ہوتے ہیں۔ اس لیے ان پر نظربد کا اثر جلد ہوجاتا ہے اور ناسمجھی کی وجہ سے ان کی حفاظت بھی ایک مستقل مسئلہ ہے۔ لہٰذا اس کیلئے یہ عمل بہت مفید ہے۔ اس عمل کی برکت سے بچہ ہر قسم کی نظربد اور ہر طرح کے شر سے محفوظ رہتا ہے۔ وہ عمل یہ ہے:۔ صبح کو ایک مرتبہ اور شام کو ایک مرتبہ کرنا ہے۔ باوضو اول تین بار درود شریف‘ تین بار سورۂ فاتحہ‘ تین بار سورۂ اخلاص‘ تین بار سورۂ فلق‘ تین بار سورۂ ناس‘ آخر میں تین بار درود شریف۔ یہ سب پڑھ کر بچوں پر دم کردیا کریں۔ انشاءاللہ تعالیٰ بچے ہر طرح سے محفوظ رہیں گے۔ دودھ کم پینے والے یا کم کھانے والے بچوں کیلئے جو بچے کھانے سے بھاگتے ہیں اور ان کو بھوک کم لگتی ہو جس کے سبب کمزور و ناتواں رہتے ہیں۔ کم کھانے کے سبب اکثر بچے ضدی اور چڑچڑے مزاج کے ہوجاتے ہیں۔ ان کیلئے یہ عمل بہت مفید ہے اس عمل کی بدولت انشاءاللہ تعالیٰ خوراک پوری استعمال کرینگےاور خوب پیٹ بھر کر کھائینگے جس کے سبب ان کی صحت بحال ہوگی اور چہرے پر رونق آئیگی اور ضد اور چڑچڑاپن بھی ختم ہوجائے گا۔ عمل یہ ہے:۔ باوضو اول درود شریف تین بار‘ سورہ فاتحہ تین بار‘ سورۂ اخلاص تین بار‘ سورۂ فلق تین بار‘ سورۃ الناس تین بار درود شریف تین بار پڑھ کر بچے پر دم کریں۔