محترم حضرت حکیم صاحب السلام علیکم! عبقری رسالہ بہت ہی مفید شمارہ ہے‘ اس کے اتنے فوائد ہیں کہ لکھنے بیٹھوں کو ڈائری بن جائے۔ میں نے عبقری دواخانہ کا تیار کردہ تلبینہ استعمال کیا‘ یقین کیجئے اتنا جسمانی اور دماغی طور پر اتنا سکون ملا کہ بتا نہیں سکتا۔ بہت ہی مفید اور لاجواب چیز ہے۔ ازدواجی زندگی مزید پرلطف بنانے کیلئے:میرا آزمودہ ٹوٹکہ ہے کہ ایک گلاس دودھ میں تین عدد کھجور ڈال کر شیک بنائیں بہت مفید ہے اور روزانہ صبح یا جب دل چاہے پی لیں۔ یقین کیجئے بس اتنا لکھوں گا کہ ازدواجی زندگی اگر پرلطف ہے تو مزید پرلطف اور پرکشش ہوجائے گی۔
خارش ایگزیما اور سورائسز سے شفاء:عبقری شمارہ 2009 میں ایک نسخہ پڑھا تھا‘استعمال کیا مفید پایا۔میں زندگی سے عاجز آچکا تھا‘ بے شمار ادویات اورمرہمیں استعمال کیں مگر کہیں سے بھی کچھ فرق نہ پڑرہا تھا۔ پھر مشکل وقت میں عبقری ہی کام آیا ہے۔ مجھے خارش، ایگزیما اور سورائسز سے شفا ملی۔ نسخہ یہ ہے:۔ ھوالشافی: زنک آکسائیڈ 20گرام، بورک ایسڈ 20 گرام ، گندھک آملہ سار10 گرام، سیلی سلک ایسڈ 20 گرام، کاربالک ایسڈ 5 گرام، ویزلین سادہ 200 گرام ان تمام اشیاء کو سوائے ویزلین ملائے خیال رکھیے کہ کسی چمچ سے دوائوں کو خوب یکجا کریں۔ دستانے پہن لیجئے‘ہاتھ کا استعمال نہ کریں ورنہ ہاتھ متاثر ہونے کا خطرہ ہے‘ دستانے پہن کر دوا کو کسی پلاسٹک کے جار میں محفوظ کرلیں۔ صبح و شام متاثرہ جلد پر یہ مرہم لگائیں‘ چند دنوں میں ہی فرق نظر آئے گا۔اس کے بعد میں نے کئی لوگوں کو بتایا جس نے بھی یہ مرہم بنائے اس کو فائدہ ضرور ہوا۔ قارئین سے بھی گزارش ہے کہ اس مرہم کو بنا کر ضرور استعمال کیجئے فوری اثر رکھتی ہے۔ بچھوکاٹے کا علاج: 18 اپریل 2020ء کی شام میری بیٹی کو بچھو نے کاٹ لیا میں نے ایک جاننے والے کو فون کیاتو انہوں نے بتایا کہ تمباکو تھوڑے سے پانی میں ابال کر‘ پھر پانی کو قابل برداشت حد تک نیم گرم کرکے بیٹی کا ہاتھ اس پانی میں ڈبو دے تو درد ختم ہو جائے گا۔چنانچہ میں نے ایسا ہی کیا اور تھوڑی دیر بعد درد بالکل ختم ہوگیا۔ قارئین ! بچھو کے کاٹنے سے انتہائی ناقابل برداشت درد ہوتا ہے اور مریض درد کے مارے چیخنا اور واویلا کرنا شروع کردیتا ہے لہٰذا جن لوگوں کے اردگرد بچھو رینگتے ہیں وہ اپنے گھروں میں ہمیشہ تھوڑا سا تمباکو ضرور رکھیں۔ مشکل میں کام آئے گا( شاہ تمروز، ایبٹ آباد)