طبی ماہرین کے مطابق پپیتا کا شمار ان پھلوں میں کیا جاتا ہے جنہیں مکمل غذا کہا جاتا ہے، کیوں کہ یہ پھل معدنی اجزاء پروٹین اور مختلف وٹامنز سے بھرپور ہوتا ہے۔ جتنا زیادہ یہ پھل پکتا جاتا ہے اتنا ہی اس میں وٹامن سی بڑھتا جاتا ہے۔
پپیتا کھانے سے ہاضمہ درست ہو جاتا ہے اور بھوک کھل کر لگتی ہے‘ یہ دست آور ہوتا ہے اوربواسیر کے مہکوں کو ختم کرتا ہے۔ یہ قوت بخش اور ٹھنڈا ہوتا ہے ‘اس کےکھانے سے بالخصوص بیج کے استعمال سے پیٹ کے کیڑے مر جاتے ہیں ۔ ریاح کا اخراج ہوتا ہے ‘ یہ معدے کے زخموں، تلی اور جگر کے امراض کے علاج اور حفاظت کا مؤثرذریعہ ہے۔ کچے پپیتے کا دودھ جلد کے دھبوں، داد مسوں وغیرہ کے لیے بہت مفید ہے ۔ یہ پیشاب آور ہے ‘ اس کے کھانے سے بخار بھی ٹوٹ جاتا ہے۔ پپیتے کے بیج کے استعمال سے خاص ایام میں باقاعدگی آتی ہے‘ چند معالجاتی استعمال درج ذیل ہیں۔
بدہضمی کی شکایت دور
ایسے افرادجو جو ہاضمے کے مسائل سے دو چار ہوں‘ بھوک نہ لگتی ہو انہیں چاہیے کہ چند دن پپیتاکھائیں‘ اس سے ہاضمہ درست ہوجاتا ہے اور بھوک بھی کھل کر لگتی ہے۔قبض چاہے جتنی بھی سخت اور پرانی ہو‘ کسی بھی طریقہ علاج سے فائدہ نہ ہورہا ہو توپپیتا کھانے کے فوری بعد دودھ پی لیں‘ ان شاءاللہ جلد ہی قبض کا مرض ختم ہو جائے گا۔
جگر کےامراض میں مفید
کچے پیتے کو چھیل کر اس سے نکالے گئے 10 ملی گرام رس میں 3 گرام چینی ملا کر ہر روز دن میں تین مرتبہ پینے سے چند روز میں جگر اور تلی کے امراض میں افاقہ ہو جاتا ہے اور ان امراض کا بڑھنا رک جاتا ہےاور جلد ہی ان امراض سے مکمل نجات مل جاتی ہے۔ پپیتا کھانے سے یرقان کے مرض میں بہت فائدہ ہوتا ہے‘ جن چھوٹے بچوں کا جگر بڑھاہوا ہوتا ہے انہیں پپیتا کھلانا چاہئے اس سے انہیں بہت افاقہ ہوتا ہے۔
پیٹ کے کیڑے ختم
کچے پیتے سے دستیاب 10 ملی لیٹر دودھ(عرق جو پپیتا کاٹتے وقت نکلتا ہے) میں 10 گرام شہد اور 20 ملی لیٹر گرام پانی ملا کر ٹھنڈا ہونے پر پیجئے اور اس کے دو گھنٹے بعد آدھے سے ایک اونس ارنڈ کا تیل پینے سے پیٹ کے کیڑے مر کر باہر نکل جاتے ہیں۔پپیتے کے 15 ، 20 بیجوں کو تھوڑے سے پانی میں گھوٹ کر ہر روز ایک ہفتہ پینے سے بھی پیٹ کے کیڑے مر جاتے ہیں۔
دودھ کی کمی
ایسی خواتین جنہیں دودھ کی کمی کا مسئلہ ہو تو انہیں چاہیے کہ کچےپپیتے کو کاٹ کر بطور سالن کھانے سے عورتوں میںدودھ کا اضافہ ہوتا ہے۔ اگر اس ٹوٹکہ پر عمل کرنا دشوار ہوتو پکا ہوا پپیتا کچھ عرصہ کھانے سے بھی یہ کمی جلد ہی پوری ہو جائے گی۔
داد کے زخم دور
دادایک جلدی بیماری ہے جس سے جسم پر سرخ نشان بن جاتے ہیں اور متاثرہ جگہ پر بہت زیادہ خارش بھی ہوتی ہے۔ان سے نجات کے لئے کچے پپیتے کے ٹکڑےکو ہر روز داد پر ملنے سے بہت فائدہ ہوتا ہے۔
مہاسے اور جھائیاں
کچے پیتے کے گودے کو ہر روز کچھ دیر تک چہرے پر ملتے رہنے سے مہاسے، جھائیاں دور ہوتی ہیں‘ چہرہ نکھر آتا ہے۔
اس کے علاوہ کچے پیتے کو چاقو سے چیر کر اس سے دودھ نکال کراسے دھوپ میں سکھا لیجئے۔ اس سفوف میں تھوڑا سا سہاگے کا سفوف اور پانی ملا کر مرہم بنا لیجئے۔ اس مرہم کو گوکھرو اور مسوں پر لگانے سے فائدہ ہوتا ہے۔