ماہنامہ عبقری - مارچ 2010ء

اس ماہ کا روحانی مراقبہ مراقبے کے جب کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دے گا۔ Meditation یعنی مراقبہ جہاں ازل سے روحانیت کی ترقی اور مشکلات کے حل کا علاج رہا ہے وہاں جدید سائنس نے اسے امراض کا یقینی علاج بھی قرار دیا ہے۔ ہزاروں تجربات کے بعد عبقری کے قارئین کے لئے مراقبے سے علاج پیش خدمت ہے۔ سوتے وقت اگر با وضو اور پاک سوئیں تو سب سے بہتر ورنہ کسی بھی حالت میں صرف 10 منٹ بستر پر بیٹھ کر بلا تعداد بِسمِ اللّٰہِ الرَّحمٰنِ الرَّحِیمِ کا ورد اول و آخر 3 بار درود شریف پڑھیں پھر لیٹ جائیں۔ جس مرض کا خاتمہ یا الجھن کا حل چاہتے ہوں اس کو ذہن میں رکھ کر یہ تصور کریں کہ ” آسمان سے سنہرے رنگ کی روشنی میرے سر سے سارے جسم میں داخل ہو کر اس مرض کو ختم یا الجھن کو حل کر رہی ہے اور اس وظیفے کی برکت سے میں سو فیصداس پریشانی سے نکل گیا/گئی ہوں“ یہاں تک کہ اس تصور کو دہراتے دہراتے نیند آ جائے۔ شروع میں تصور بناتے ہوئے آپ کو مشکل ہو گی لیکن بعد میں آپ پر جب اس کے کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دے گا۔ مراقبے کے بعد اپنی کیفیات فوائد اور انوکھے تجربات ہمیں لکھنا نہ بھولیں۔ مراقبے سے فیض پانے والے محترم ایڈیٹر صاحب السلام علیکم ورحمہ اللہ وبرکاتہ بندہ کے پاس ماہنامہ عبقری کیلئے وہ الفاظ نہیں جن کے ذریعے شکریہ ادا کرے۔ بندہ کے حالات ان دنوں میں بہت خراب تھے۔ زندگی قیدِ قفس معلوم ہونے لگی تھی گھر والوں سے دل اکھڑا اکھڑا رہتا تھا‘ بہن بھائیوں سے روزانہ نت نئے جھگڑے ہوتے رہتے تھے۔ مایوسی کے اندھیروں میں ڈوبا ہوا تھا۔ عبقری میں اَلمَلِکُ القُدُّوسُ السَّلَامُ کامراقبہ کیا اور اس پر عملدرآمد کیا اور نہایت یقین اور توجہ اور گریہ زاری کے ساتھ اس آیت کا مراقبہ کیا۔ چند دنوں میں میری اندرونی کیفیات بدل گئیں اور ہماری الجھنیں حل ہونا شروع ہوگئیں۔ اللہ کے حضور دعا ہے اللہ عبقری کو تاقیامت جاری رکھے۔ ابراہیم طارق‘ فیصل آباد پچھلا صفحہ