کالے جادو کا ایک طاقتور وار جو ہنومان کے ذریعے ہوتا ہے جو برتن کو ریزہ ریزہ ‘ انسان کو بوٹی بوٹی‘ ہڈیوں کو چورہ چورہ دکان کی اینٹ سے اینٹ بجا دیتا ہے‘ گھر کو برباد ‘ ویران اور قبرستان بنا دیتا ہے‘ نسلیں سسکتی ہیں‘ روحیں تڑپتی ہیں‘ وجود منتشر ہوجاتا ہے‘ کھلی کلیاں بکھر جاتی ہیں‘ پھول مرجھا جاتے ہیں‘ قہقہے‘ سسکیوں میں بدل جاتے ہیں‘ کامیابیاں ناکامیوں میں بدل کر ہمیشہ کیلئے کالی مہریں لگ جاتی ہیں۔ ہنومان بندر کی شکل کا ایک وجود‘ جس کے اوپر بڑے بڑے بال لیکن چلتا انسانوں کی طرح ہے باقی تمام جسم بندر کی طرح ہے۔یہ کالے جادو کا خطرناک ترین وار ہے‘ کیا آپ نے کبھی سوچا کہ ہم اس خطرناک وار سے کیسے بچیں۔ خاص طور پر یہ خطرناک وار 5 انسانوں پر ہوتا ہے:1۔ نئی نویلی دلہن یا دولہا پر۔ 2۔ پیدا ہونے والے چھوٹے بچے پر۔
3۔ ایسی بیٹی یابیٹا جو ترقی کی راہیں‘ تعلیمی منازل طے کررہا ہو‘ اس میں رکاوٹیں۔ 4۔چلتی روزی پر تیل ڈال کر جلا دیا جاتاہے۔ 5۔ گھر میں آگ‘ جلن‘ بیماریاں‘ دکھ‘ تکالیف‘ اور طوفان۔ بس یہ ہنومان کا کام ہے ۔
ہنومان کے وار اور طاقتور روحانی اعمال
ہنومان سے بچنا ہر کسی کے بس کا کام نہیں‘بڑے بڑے عاملین اس کے آگے بے بس ہو جاتے ہیں لیکن شیخ الوظائف کی نگرانی میں طاقتور روحانی اعمال کی برکت سے ہم ہنومان کے وار سے سوفیصد بچ سکتے ہیں ’’بس اس ماہ جون میں ہر جمعہ والےدن عصر تا مغرب ایک پانی کی بوتل اپنے پاس رکھیں‘7 مرتبہ اول و آخر درود پاک کے ساتھ اکتالیس مرتبہ اَللّٰھُمَّ شَتِّتْ شَمْلَھُمْجادو جنات اور تمام شیطانی چیزوں اور واروں کا تصور کرتے ہوئے پانی پر پھونک ماریں۔اب اس پانی کو روزانہ کی بنیاد پر گھر کے چاروں کونوں پر چھڑکائیں‘ کھانے پینے میں بھی یہی پانی استعمال کریں۔پانی کو بڑھاتیں اور پھر دوبارہ مذکورہ عمل اسی پانی والی بوتل پر کریں۔ بوجہ کسی سخت مجبوری کے تحت اگر یہ عمل چُوک جائے تو اگلے دن مکمل کر لیں۔
آپ محسوس کریں گے کہ آپ کے کندھوں کا بوجھ ہلکا‘ جسم ہلکا‘ پریشانیاں اور بندشیں ٹوٹ رہی ہیں‘ ان شاء اللہ‘ بس عمل مکمل ہوا۔ یہ عمل بظاہر چھوٹا لیکن جو شخص ہنومان کے جادو میں جکڑا ہے یا اس سے بچنا چاہتا ہے وہ آنکھوں سے جلوے دیکھے گا‘ کمال دیکھے گا‘ مظاہر اورمناظر دیکھے گا اور اپنی زندگی میں سکھ‘ سکون دیکھے گا۔ عبقری آپ کو ہنومان سے بچنے کا ایک عمل ہر ماہ بتاتا رہے گا۔ نوٹ:یہ عمل ہر حالت میں کر سکتے ہیں۔
عمل کا ہدیہ:اس ماہ30 روپے صدقہ کر دیں اور اس عمل کا ثواب ام المومنین حضرت سودہ رضی اللہ عنہا اور صحابی رسول ﷺ حضرت خالد بن ولیدؓ کی ارواح مبارکہ کو ہدیہ کردیں۔ قارئین!اس عمل سے بے شمار لوگ فائدہ پارہے اور اپنے مشاہدات لکھ کر بھیج رہے‘اگر آپ کو بھی اس عمل سے فائدہ ہوا تو بذریعہ خط ضرور لکھیں۔