ماہنامہ عبقری - مئی 2011ء

مراقبے کے جب کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دے گا۔ Meditation یعنی مراقبہ جہاں ازل سے روحانیت کی ترقی اور مشکلات کے حل کا علاج رہا ہے وہاں جدید سائنس نے اسے امراض کا یقینی علاج بھی قرار دیا ہے۔ ہزاروں تجربات کے بعد عبقری کے قارئین کے لئے مراقبے سے علاج پیش خدمت ہے۔ سوتے وقت اگر با وضو اور پاک سوئیں تو سب سے بہتر ورنہ کسی بھی حالت میں صرف 10 منٹ بستر پر بیٹھ کر بلا تعدادحَلِیم کَرِیم عَفُوّکَرِیم کا ورد اول و آخر 3 بار درود شریف پڑھیں پھر لیٹ جائیں۔ جس مرض کا خاتمہ یا الجھن کا حل چاہتے ہوں اس کو ذہن میں رکھ کر یہ تصور کریں کہ ” آسمان سے سنہرے رنگ کی روشنی میرے سر سے سارے جسم میں داخل ہو کر اس مرض کو ختم یا الجھن کو حل کر رہی ہے اور اس وظیفے کی برکت سے میں سو فیصداس پریشانی سے نکل گیا/گئی ہوں“ یہاں تک کہ اس تصور کو دہراتے دہراتے نیند آ جائے۔ شروع میں تصور بناتے ہوئے آپکو مشکل ہو گی لیکن بعد میں آپ پر جب اسکے کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دےگا۔ مراقبے کے بعد اپنی کیفیات فوائد اور انوکھے تجربات ہمیں لکھنا نہ بھولیں۔ مراقبے سے فیض پانے والے محترم حکیم صاحب السلام علیکم! ہم نے عبقری رسالے سے بہت کچھ پایا ہے۔اس میں موجود طبی و روحانی نسخے بہت ہی لاجواب ہوتے ہیں۔ ہم نے آج تک جو بھی طبی یا روحانی نسخہ کیا ہے اس سے ہمیں بے پناہ فوائد حاصل ہوئے ہیں یہاں تک کہ ہم نے دوسرے کئی لوگوںکو عبقری دیا انہوں نے بھی طبی وروحانی نسخے آزمائے سب کو اللہ نے فائدہ دیا۔ خاص کر مراقبے کے عمل نے تو ہم سب کو حیران و پریشان ہی کردیا ہے۔ میں نے مراقبے کاعمل کیا۔ میری سوچوں میں بھی نہیں تھا کہ اللہ میری ہر حاجت پوری فرمائیں۔مراقبے کا عمل کرنے سے میری بہت سی روحانی و جسمانی بیماریاں ایسے ختم ہوئیں جیسے کبھی تھی ہی نہیں۔میں صرف اپنی بات نہیں کررہی میں نے جس کسی کو بھی مراقبے کے عمل کے بارے میں بتایا اور جس نے بھی کیا سب کو لاجواب فوائد حاصل ہوئے۔(مسزعبدالرشید‘ لاہور) ٭٭٭٭٭٭٭ پچھلا صفحہ