میں اپنے گھر میں ہی تہجد اور موتی مسجد کے نفل پڑھنے کی نیت سے اُٹھی اور واش رو م میں جاکر وضو کرنا شروع کیا اچانک ہی کہیں سے گلاب کی خوشبوآناشروع ہوگئی جواتنی تیز تھی کہ بیان کرنے سے قاصر ہوں،واش روم سے باہر آکر میںنے نماز شروع کردی ،میری آنکھیں بند تھیںاور میں موتی مسجد کے نفل پڑھ رہی تھی توانتہائی اچھی خوشبو نے پورے کمرے کو معطر کردیا،مجھے موتی مسجد کا صحن اور گنبد صاف طور پر نظر آنا شروع ہو گیا۔
حکیم صاحب! اللہ آپ کوہمیشہ اپنے حفظ وامان میں رکھے،جناب کچھ عرصہ پہلے میری منگنی ٹوٹ گئی،اس کا مجھے ایسا دھچکا لگا کہ جیسے میرا سب کچھ اُجڑ گیا۔میںنے کھانا پینا چھوڑ دیا،مایوسی کی کیفیت طاری ہوگئی میرے دل ودماغ پر ایک کاری ضرب لگی تھی،جس کومیں باوجود بہت برداشت کے سہہ نہ سکی۔آپ کے بتائے ہوئے اللہ تعالیٰ کے مبارک نام لیتی رہی پھر موتی مسجد گئی اور اللہ پاک سے استقامت کیلئے دعا کی اور تمام حالات اللہ تعالیٰ کی بارگاہ میں پیش کئے کہ یا اللہ! آپ ہی میرا آخری سہارا ہیں آپ ہی میرے غموں کا مداوا کرسکتے ہیں،یااللہ! میں تو مجبور ہوں مگرآپ تو مجبور نہیں۔۔۔۔میں بے بس و لاچار ہوں مگر آپ تو بے بس نہیں۔۔۔۔۔آپ ہی میری کوئی چارہ گوئی فرمائیے اور میرے مسائل کا بوجھ میرے کندھوںسے اُتار دیجئے۔آہستہ آہستہ میری زندگی میں بدلاؤ آنا شروع ہوااوراسطرح میری زندگی یکسر بدل گئی۔میری زندگی کا رُخ بے حقیقی دنیا سے اُچاٹ ہوکر آخرت کی حقیقی زندگی کی طرف مائل ہوگیا،میں نے اپنے رب کی محبت اور رحمت کو پہچان لیا، مایو سی کی کیفیت ختم ہوگئی ،ایک نئی اُمنگ اورپرجوش ولولے کے ساتھ زندگی کا آغاز کیا،فوری شادی کیلئے رشتہ بھی آگیا اب بات بھی طے ہوچکی ہے اور شادی بھی عنقریب ہونے والی ہے ۔یہ سب میرے مالک کاکرم ہے اور رسول ﷺ کےفرمان کا وا ضح ثبوت ہے کہ اللہ پاک اپنے بندوں سے ستر ماؤں سے بھی زیادہ پیار کرتے ہیں۔ (لبنیٰ)
ہاتھ اٹھاتے ہی نجات مل گئی
میرے دفتر میں جو میرےباس تھے وہ نہایت ہی سخت مزاج اور دنیادار تھے،میری اکثر ان سے کسی نہ کسی بات پران بن ہوجاتی جس کی وجہ یہ تھی کہ میں طبیعتاًدین دار تھااور اکثرشرعی احکام کی پابندی کرتا تھا ۔یہ سب چیزیںان کو سخت ناگوار گزرتی تھیں۔آہستہ آہستہ اُنہوںنے میرے کام میں رکاوٹیں ڈالنا شروع کردیں اور ضدپر اتر آئے۔میں بے بس تھا کچھ بھی نہ کرسکتاتھا وہ عہدے میں مجھ سے بڑے تھے اور میں ان کے ماتحت کام کرتا تھا ۔خیر میرا کسی کام سے لاہور جاناہوا ،میں نے موتی مسجد کے بارے میں سناہوا تھا۔موتی مسجد گیا اور وہاں جاکر نوافل اداکئے ،اللہ پاک سے خوب رو رو کر دعائیں کیں،آفیسر کی ہدایت کےلئے دعاکی اور اُس کےشرسے محفوظ رہنے کی دعائیں بھی کیں۔ جب میں واپس کراچی آیا تو پتہ چلاکہ اس آفیسرکا تبادلہ ہوگیا ہےاورجس آفیسر کو میں چاہتا تھا وہی آفیسر ہمارے دفترمیں آگئے۔