محترم حضرت حکیم صاحب السلام علیکم! اللہ آپ کا شفقت بھرا سایہ مجھ نااہل‘ گنہگار کے سر پر سدا سلامت تاقیامت رکھے۔ ہم تمام گھر والے ماہنامہ عبقری بہت شوق سے پڑھتے ہیں‘ اس میں موجود ٹوٹکے‘ نسخہ جات اور اعمال و وظائف بہت کارآمد ہوتےہیں۔ ہمارا بھی ایک آزمودہ ٹوٹکہ ہے جو میں ’’عبقری ٹوٹکہ سیکشن‘‘ کی کیلئے لکھ رہی ہوں۔ یقیناً قارئین تھوڑے حیران ضرور ہوں گے مگر استعمال کے بعد خوش بھی اتنے ہی ہوں گے۔ ٹوٹکہ یہ ہے۔چہرے کے دانوں کیلئے: اگر چہرے پر دانے نکل آئے ہیں تو اپنی شہادت کی انگلی کو کان میں دبا کر فوراً وہ انگلی اپنے چہرے کے دانوں پر لگائیں۔ چند دن چند ہفتے روزانہ کئی بار یہ عمل کریں۔ ان شاء اللہ دانے تو ختم ہوں گے ہی ساتھ نشان بھی ختم ہوجائیں گے۔ (ج، لاہور)
عبقری ٹوٹکہ سیکشن:قارئین! بعض اوقات لاعلاج بیماریوں میں جہاں بڑی بڑی ادویات اور مہنگے علاج ناکام ہوجاتے ہیں وہاں چھوٹے چھوٹے ٹوٹکے کارگر ثابت ہوتے ہیں جنہیں بظاہر کوئی اہمیت نہیں دی جاتی تو قارئین آپ مستقل بڑے بوڑھوں کے وہ ٹوٹکے سنے یا آزمائے ہوئے ضرور لکھیں‘ عبقری نے ایک ٹوٹکہ سیکشن قائم کیا ہے تاکہ مخلوق کی خدمت ہو اور انسانیت کو نفع پہنچے۔نوٹ: ایسے ٹوٹکے بھیجیں جن میں ادویات کا استعمال نہ ہو اور کہیں ایسا نہ ہو کہ ٹوٹکوں والی کتاب اٹھا کر سارے ٹوٹکے لکھ کر بھیجیں ایسا ہرگز نہ کریں۔ صرف آزمودہ اور سینے کا راز ٹوٹکے ہی بھیجیں۔