محترم حضرت حکیم صاحب السلام علیکم! آپ‘ آپ کے اہل خانہ اور ساتھیوں کیلئے ڈھیروں دعائیں۔
دائمی سردرد کا علاج
میرے سر میں کبھی درد نہ ہوا تھا ا س رمضان میرے سر میں شدید درد شروع ہوگیا جو آنکھوں میں بھی ہوتا تھا اتنا شدید کہ میں رونے لگ جاتی اور دوائی سے بھی آرام نہیں آیا۔ میں نے عبقری میں پڑھا تھا کہ سردرد کیلئے ٹوپی پر بسم اللہ لکھ کر سر پر رکھیں۔ میں نے گھر میں کپڑے کی ٹوپی تیار کی اور انگلی سے اس میں بسم اللہ (پوری) لکھیں اور اسے سر پر پہنے رکھا۔ اللہ کا کرم ہوا کہ سردرد 2 دن میں ہی ایسا غائب ہوا کہ جیسے تھا ہی نہیں۔ دوائی کی بھی ضرورت نہ پڑی۔ اس عمل کو میری بہن نے بھی آزمایا کئی سال سے اسے سرمیں درد تھا اسکو بھی اسی سے شفاء ملی۔اگر ویسے بھی انسان سرڈھانپ کر رکھے تو سر کی تکلیف نہیں ہوتی۔
بالوں کی خوبصورتی کا راز
بعض خواتین کے بال بھورے بھورے ہوتے ہیں۔ اگر انہیں سیاہی مائل کرنا ہوتو مندرجہ ذیل ٹوٹکہ استعمال کریں۔ آزمودہ ہے۔ ریٹھا(جھاگ دار)، آملہ، سیکاکائی½ کلو، میتھرے(میتھی کے بیج) بیری اور نیم کے پتے پانچ کلو پانی میں دس دن بھگو دیں پھر اس کو ہلکی آنچ پر پکائیں۔ یہاں تک کہ آدھا پانی رہ جائے اب اس پانی کو نتھار لیں اور جب سردھونا ہوتو اسے بالوں پر تیل کی طرح لگائیں جب بال سوکھ جائیں تو تازہ پانی سے دھولیں۔ایک بات کا خاص خیال رکھیں یہ عمل گرمیوں میں روزانہ کرسکتے ہیں لیکن سردی میں مت کریں۔ اس ٹوٹکے سے آپکے بالوں کا بھورا پن ختم ہو جائے گا اور بال بھی مضبوط ہوں گے اگر ضرورت محسوس ہوتو ہفتے میں ایک بار یا دو بار شیمپو بھی لگاسکتے ہیں۔
گھنے، مضبوط اور خوبصورت بالوں کے لیے
پانی نتھار لیں اب اس پانی سے سر دھوئیں۔ اگر آپ نے تیل بھی لگایا ہو تب بھی اس سے دھونے سے بال صاف ہو جائیں، گھنے، مضبوط اور خوبصورت بھی ہونگے۔پہلے زمانے کی خواتین یہی مٹی استعمال کرتی تھیں اور انکے بال بھی بہت شاندار ہوتے تھے۔ ایک بات یاد رکھیں ملتانی مٹی دو قسم کی ہوتی ہے ایک سبزی مائل دوسری زردی مائل(جو لگانے والی ہوتی ہے) بالوں پر وہ استعمال کریں۔ ہفتے میں دو تین بار کوئی تیل ضرور لگائیں تاکہ بال زیادہ خشک نہ ہو جائیں۔ خواتین اسے آزمائیں اور بندی کو دعائوں میں رکھیں۔ (میمونہ، ملتان)