محترم حضرت حکیم صاحب السلام علیکم!امید کرتی ہوں کہ آپ خیریت سے ہوں گے محترم حکیم صاحب آج سے تین ماہ پہلے میں نے آپ کو ایک خط لکھا تھا جس میں میں نے آپ کو اپنے مسائل لکھے تھے آ پ نے خط پڑھ کر جواب میں وظیفہ بھیجا تھا اللہ کا شکر ہے چار یا پانچ دن سے وہ وظیفہ میں نے شروع کیا ہے پہلا خط میں نے بہت جلدی میں اور الجھن میں لکھا تھا پتہ نہیں میرا جواب آئے گا یا نہیں لیکن جب جواب ملا تو بہت خوشی ہوئی کہ آپ بغیر رنگ و نسل، امیر و غریب کا فرق کیے بغیر دکھی انسانیت کی خدمت کررہے ہیں۔ مجھے عبقری سے بہت پیار ہے جب بھی آتا ہے میں رسالہ پڑھ کر چوم لیتی ہوں اور بار بار پرانے رسالے نکال کر دیکھتی ہوں جب سے عبقری رسالہ پڑھتی ہوں زندگی اعمال پر آگئی۔ نماز روزہ تو پہلے بھی کرتی تھی لیکن اب صحیح طریقے سے اللہ کا ذکر کرنا آگیا ہے۔ میرا وظیفہ جو آپ نے بھیجا تھا سورئہ القصص کی آیت نمبر24ہے وہ میں روزانہ کرتی ہوں۔جب میں نے اللہ سے رو رو کر اپنے حالات کے لیے دعائیں کیں تو اللہ نے مجھے عبقری سے ملا دیا۔میری بے شمار پریشانیاں اور مشکلات صرف اس عبقری رسالہ کو پڑھنے سے دور ہوئیں ہیں‘میں تو ہرکسی کو عبقری رسالہ پڑھنے اور پھیلانے کا مشورہ دیتی ہوں‘ اس کے پھیلانے سے خیر پھیلتی ہے اور جو خیر پھیلاتا ہے اس کے ساتھ خیروالے معاملے ہوتے ہیں۔ الحمدللہ ! وظائف جاری ہیں۔(صبورہ یوسف، آزاد کشمیر)
کمزور نظر ایک نسخہ سے بالکل ٹھیک
محترم حضرت حکیم صاحب السلام علیکم!بندہ آپ کے عبقری رسالہ سے دو تین نسخے آزما چکا ہے میری بچی جو کہ دسویں کلاس میں پڑھتی ہے اس کی نظر کمزور تھی عبقری ماہنامہ جون 2018ء سے نسخہ لیا اب ماشاء اللہ کافی بہتر ہے۔اس نسخہ کا عنوان یہ تھا ’’میری بیٹی کا موٹا چشمہ ایک ٹوٹکہ سےاترگیا‘‘ میں نے بھی یہی نسخہ اپنی بچی کو استعمال کروایا۔چند دن کے استعمال سے میری بچی کی نظر بہتر ہونا شروع ہوگئی۔ میں تو اب یہ نسخہ مزید لوگوں کو بھی بتاتا ہوں۔ وہ نسخہ درج ذیل ہے:۔ ھوالشافی: دکنی مرچ پانچ عدد‘ بادام پانچ عدد‘ رات کو پانی میں بھگو دیں‘ صبح نہار منہ بادام اور دکنی مرچ چبا کر کھائیں‘ یہ عمل چند ہفتے کریں‘ چشمے کی ضرورت نہیں ہوگی‘ نظر کی کمزوری کیلئے آزمودہ ہے۔ (رائو محمد فاروق، ڈونگہ بونگہ)
محترم حضرت حکیم صاحب السلام علیکم!میں ایک گناہ گار بندی ہوں جس نے آپ کے بہت سے وظائف سے فائدہ اٹھایا ہے ۔ میں 14سال کی تھی گھر میں بہت لڑائی جھگڑوں کی وجہ سے میں نے اللہ کے ننانوے نام ، عہد نامہ بہت پڑھا کہ شمار کوئی نہیں اس سے مجھے یہ فائدہ ہوا کہ اگلے تین دن بعد جو کچھ ہونا ہوتا مجھے خواب میں نظر آجاتا اس کا ذکر میں کسی سے نہیں کرتی تھی کہ یقین کوئی کرتا نہیں تھا اور ڈر بھی جاتی تھی ۔ خیر اب دو سال سے عبقری کی وجہ سے میں نے سسرال سے سکون پایا ہے ’’ایاک نعبدو‘‘ والی آیت سے الگ گھر اور شوہر کی صحبت بھی پائی۔ سورئہ توبہ کی آخری دو آیات اور سورئہ انعام کی آیت 45پڑھ رہی ہوں۔ ایک تو دشمنوں سے ہمیشہ کی نجات کیلئے سورئہ توبہ سے وہ علم جس سے وہ سب کچھ ملے میرے مطلب ’’کشف‘‘ سے ہے۔(دختر محمد اسلم، اسلام آباد)