ماہنامہ عبقری - جون 2011ء

روحانی محفل مرکز روحانیت و امن میں اجتماعی نہیں ہوتی، ہر فرد اپنے مقام پر رہتے ہوئے کرے اس ماہ کی روحانی محفل5 جون بروز اتوار 2بجکر10منٹ سے لیکر 3بجکر25 منٹ تک‘16 جون بروز جمعرات صبح10تا 11 بجکر 17 منٹ تک‘28 جون بروز منگل عصر تا مغرب تک یَاقَادِرُ یَاقَوِیُّ پڑھیں۔ یہ ذکر، بھکا ری بن کر ، خلوص دل ، درددل ، توجہ اور اس یقین کے ساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کیساتھ پڑھیں کہ آسمان سے ہلکی پیلی روشنی آپکے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ وقت پورا ہونے کے بعد دل و جان سے پوری امت، عالم اسلام، اپنے لیے اور اپنے عزیز و اقارب کیلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاءاللہ آپکی تمام جائز مرادیں ضرور پوری ہونگی۔ ہر محفل کے بعد 11روپے صدقہ ضرور کریں ( نوٹ :)1-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔ 2-خواتین ناپاکی کے ایا م میں بغیر مصلےٰ کے بھی باوضو ہو کر روحانی محفل میں شرکت کرسکتی ہیں۔ اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔ ( ایڈیٹر :۔حکیم محمد طارق محمود عفااللہ عنہ) روحانی محفل سے فیض پانے والے محترم حکیم صاحب السلام علیکم! گزشتہ پانچ ماہ سے عبقری کا مطالعہ کررہی ہوں‘ گزشتہ دو ماہ سے روحانی محفل بھی کی اور گیارہ روپے صدقہ بھی ساتھ ساتھ دیا۔ ایک دن میں روحانی محفل کررہی تھی اور پڑھتے ہوئے آنکھیں بند تھیں‘ سوئی نہیں تھی پڑھ رہی تھی۔ سامنے وائٹ رنگ کی بہت اونچی سی دیوار نظر آئی تھی دیوار کے دو ٹکڑے ہوئے ہیں بہت تیز روشنی دکھائی دی جس سے میں ایک دم ڈر گئی اور میں نے آنکھیں کھول لیں۔ مجھے یہ لگا شاید کچھ غلط پڑھ لیا ہے پھر دل کو تسلی دی یہ تو میں دو ماہ سے پڑھ رہی ہوں دوبارہ آنکھیں بند کیں وہی وائٹ کلرکی دیوار تھی اور ہلکی روشنی باقی رہ جاتی ہے۔ حکیم صاحب اس سے پہلے خواب میں مجھے نبی پاک صلی اللہ علیہ وسلم کی زیارت بھی نصیب ہوئی تھی۔ (ایک بہن) پچھلا صفحہ